Małanka trapiła ŭ rasijskuju rakietu Sajuz pry starcie VIDEA
Małanka ŭdaryła ŭ rasijskuju rakietu-nośbit Sajuz-2.1b z kaśmičnym aparatam Hłanass-M pry starcie z kasmadroma Plasieck. Pra heta paviedamiŭ u paniadziełak načalnik kasmadroma Plasieck hienierał-major Mikałaj Nieściačuk, piša RIA Novosti.
Pry adryvie rakiety ad startavaha stała ŭ jaje ŭdaryŭ razrad małanki. Niahledziačy na heta, usia technika adpracavała štatna, i spadarožnik vyjšaŭ na arbitu ŭ raźlikovy čas.
«Pusk prajšoŭ u štatnym režymie. Nadvorje nam nie źjaŭlajecca pieraškodaj, my vojski dla luboha nadvorja. Heta jašče raz dokaz taho, što małanka nie moža paškodzić našu rakietna-kaśmičnuju zbroju», — skazaŭ načalnik rasijskaha kasmadroma.
Zapusk rakiety Sajuz-2.1b byŭ praviedzieny 27 maja ŭ 09:23 z puskavoj ustanoŭki № 4 placoŭki № 43 Dziaržaŭnaha vyprabavalnaha kasmadroma Plasieck.