Jarmošyna prapanavała źnizić kolkaść podpisaŭ dla vyłučencaŭ na prezidenckich vybarach
Paroh u 100 tysiač podpisaŭ dla vyłučeńnia kandydatam u prezidenty kiraŭnik Centrvybarkama Lidzija Jarmošyna ličyć u ciapierašnich umovach zanadta vysokim, paviedamlaje sb.by.
— Siońnia 100 tysiač podpisaŭ zašmat, — zajaviła Jarmošyna na pasiadžeńni kruhłaha stała na temu «Kanstytucyja — asnova nacyjanalnaj pravavoj sistemy» ŭ Pałacie pradstaŭnikoŭ.
Pavodle jaje słoŭ, 1990-ja hady, kali pisałasia dziejučaja Kanstytucyja, nasielnictva pakazvała takuju aktyŭnaść i entuzijazm, što i 200 tysiač podpisaŭ sabrać nie było prablemaj. Adnak siońnia inšyja realii.
— Treba pierachodzić da toj normy, jakuju vykarystoŭvajuć niekatoryja našy partniory, u pryvatnaści Kazachstan: adzin pracent ad nasielnictva krainy, — vykazała mierkavańnie Jarmošyna.