Biełarus vyjhraŭ rasijski sud za biesčałaviečnaje abychodžańnie ŭ SIZA. Jamu vypłaciać $62
Biełarusa Anatola Budychu zatrymali na terytoryi Rasii i paźniej etapavali ŭ Biełaruś.
Asudžany Anatol Budycha źviarnuŭsia ŭ Leninski rajonny sud Smalenska z pazovam da miascovaha SIZA pra hrašovuju kampiensacyju maralnaj škody ŭ suviazi z parušeńniem jaho zakonnych pravoŭ i intaresaŭ u pieryjad znachodžańnia pad vartaj u SIZA-1 Smalenska.
U svaim pazovie Anatol źviarnuŭ uvahu na antysanitarny stan kamier, parušeńnie normy sanitarnaj płoščy kamier na adnaho čałavieka, adsutnaść naležnaha materyjalna-bytavoha zabieśpiačeńnia i nienaležnaje miedycynskaje absłuhoŭvańnie.
U vyniku sud vyrašyŭ spahnać na karyść Anatola Budychi 4 000 rasijskich rubloŭ (kala $62 u ekvivalencie) u košt hrašovaj kampiensacyi maralnaj škody.