BČ na čas Jeŭrapiejskich hulniaŭ pryznačyła dadatkovy ciahnik Brest — Varšava
U suviazi z budučymi II Jeŭrapiejskimi hulniami Biełaruskaj čyhunkaj sumiesna z Polskimi čyhunkami ŭzhodnieny i pryznačany ciahnik mižnarodnych linij № 137/136 Brest - Varšava. Jon budzie kursiravać z Bresta i Varšavy z 16 červienia pa 14 lipienia (akramia 30 červienia) pa sieradach, piatnicach i niadzielach, paviedamili ŭ pres-centry mahistrali.
Z Bresta ciahnik budzie adpraŭlacca ŭ 5.10 i prybyvać na stancyju Varšava-Centralnaja ŭ 7.55, u zvarotnym kirunku sa stancyi Varšava-Centralnaja — u 16.05 i prybyvać na stancyju Brest-Centralny ŭ 21.06.
Raskład ruchu ciahnika składzieny z ulikam mahčymaści pierasadki na ciahniki, jakija kursirujuć u inšyja harady Biełarusi. Tak, pasažyry, jakija prybyli ŭ Brest, mohuć ździejśnić pajezdku ŭ stalicu ciahnikom № 96 Brest - Minsk adpraŭleńniem z Bresta ŭ 23.53 i prybyćciom u Minsk u 5.16. Pry prajeździe ź Minska ciahnikom № 737 Minsk - Brest pasažyry majuć mahčymaść adpravicca sa stancyi Minsk-Pasažyrski ŭ 23.43 i prybyć u Brest u 3.40.