«Ludzi pamierli, a vam drenna?»: Zialenski ŭstupiŭ u sprečku z žurnalistkaj VIDEA
Padčas vizitu na šachtu ŭ Lvoŭskaj vobłaści, dzie ŭ vyniku avaryi zahinuli dvoje harniakoŭ, prezident Ukrainy Uładzimir Zialenski ŭstupiŭ u sprečku z žurnalistkaj telekanała «Priamij», jaki źviazvajuć ź Piatrom Parašenkam.
Videa, jakoje vykłali ŭ sietku, vyklikała šmat samych roznych kamientaryjaŭ: chtości aburajecca emocyjami žurnalistki, chtości niehatyŭna reahuje na intanacyju Zialenskaha.
Incydent adbyŭsia ŭ pracesie razmovy z šachciorami, jakija skardzilisia na drennyja ŭmovy pracy i pieraboi z vypłataj zarpłaty, jakuju prychodzicca «vybivać» akcyjami pratestu.
«Heta ž horš za rabstva. Rab, jaki pracavaŭ na ŭładalnika, byŭ nakormleny, apranuty i mieŭ abaronu. U jakaści haspadara raboŭ — dziaržava. Ale my nie možam ni pajeści, ni apranucca, ni zapłacić za kamunałku. Heta horš za rabstva… Ja nazyvaju heta ździekam z nacyi», — kaža na videa čałaviek.
«Heta vy padabrali miakkaje słova», — reahuje Zialenski, jaki pierad tym adznačyŭ, što nie moža adkazvać ciapier za nastupstvy ŭładnaj palityki, pakolki raniej nie mieŭ da jaje dačynieńnia.
«Nu… nie pry kamierach. Pałymianaje pryvitańnie Nasaliku (ministr enierhietyki — red.)», — kaža mužčyna.
«Dyk možna pry kamierach. Niachaj słuchajuć vuń… ministry, adkaznyja za heta», — praciahvaje prezident, a zatym reahuje na vyraz tvaru žurnalistki i ŭstupaje ŭ taki dyjałoh:
Zialenski: Vam drenna?
Žurnalistka: Tak.
Zialenski: Ludzi pamierli, a vam drenna?
Žurnalistka: A vam nie drenna?
Zialenski: Mnie drenna, tamu ja tut.
(Maci zahinułaha harniaka, jakaja staić za śpinoj Zialenskaha, źviartajecca da žurnalistki: A vy nie złaradničajcie. Vy dzicia nie stracili. Majmu dziciaci 22 hady, a ja chavaju jaho).
Žurnalistka: Mama čakała vas siońnia ceły dzień.
Zialenski: A ja nie pryjechaŭ? Ci tamu, što vy telekanał «Priamij», vy možacie dapamahčy? Davajcie z vami ciapier kupim kvateru ludziam? Davajcie, «Priamij» kanał, my z vami paabiacajem.
Žurnalistka: Ja mahu padzialicca svaim žurnalisckim zarobkam. A vy hatovyja padzialicca svaim prezidenckim?
Zialenski: Dyk ja kuplu kvateru. Što vy mnie… Intervju tut viedziacie?
(Harniak źviartajecca da žurnalistki: Dy nie kampramietujcie. Čałaviek pryjechaŭ vyrašyć pytańnie, a vy pačynajecie tut raspaviadać).
Zialenski: Ja vas pytajusia. Davajcie z vami, «Priamij» kanał, 50% na 50% skidvajemsia i kuplajem kvateru. Paabiacajcie ciapier.