Narkamanaŭ u Biełarusi 88,5 tysiačy, u kałonijach siadziać amal 6 tysiač
Pra heta zajaviŭ načalnik hałoŭnaha ŭpraŭleńnia pa narkakantroli i supraćdziejańni handlu ludźmi MUS Hienadź Kazakievič na pres-kanfierencyi ŭ Minsku. Pa jaho słovach, 88,5 tysiačy biełarusaŭ zaležnyja ad narkotykaŭ, paviedamlaje Tut.by
Na pačatak 2019 hoda ŭ miescach pazbaŭleńnia voli znachodzilisia 5984 čałaviek, asudžanych za niezakonny abarot narkotykaŭ i psichatropaŭ, ź ich 93 čałavieki ździejśnili złačynstva, kali byli niepaŭnaletnimi. Za zachoŭvańnie narkotykaŭ biez mety zbytu (č. 1 art. 328 KK), pa dadzienych MUS, pazbaŭleńnie voli pryznačajuć 20% asudžanych.
Pik narkazłačynstvaŭ u Biełarusi prypaŭ na 2014 hod - 7139 kryminalnych spraŭ, kali ŭ krainu trapiŭ spajs. Da 2018 hoda kolkaść złačynstvaŭ skaraciłasia da 4906, adznačyŭ Hienadź Kazakievič.