Nibyta represavany čynoŭnik KNDR pryjšoŭ na kancert
Paŭnočnakarejskaje ahienctva KCNA paviedamiła pra amatarski kancert, jaki zładzili žonki aficeraŭ armii KNDR, paviedamlaje ahienctva Reuters. Pakazvałasia, što siarod haściej śviata byŭ lidar krainy Kim Čen Yn, a taksama niekalki vysokapastaŭlenych čynoŭnikaŭ, u tym liku i Kim Jon Čchol, jaki ŭdzielničaŭ u padrychtoŭcy i praviadzieńni pieramovaŭ z Donaldam Trampam.
Tym samym KCNA abvierhła paviedamleńnie paŭdniovakarejskaj haziety Chosun Ilbo, jakaja napisała, što Kim Jon Čchol byŭ razžałavany i adpraŭleny ŭ pracoŭny łahier dla pieravychavańnia, a jašče adzin udzielnik pieramoŭ Kim Chiek Čchol byŭ pakarany śmierciu razam ź jašče tryma dypłamatami.
Aficyjna infarmacyju Chosun Ilbo nichto paćvierdzić nie zmoh. Dziaržaŭny sakratar ZŠA Majk Pampiea na pytańnie, ci mieŭ kantakty jon z Kim Jon Čcholem u apošni čas, zajaviŭ, što nie maje namieru vydavać padrabiaznaści pieramovaŭ.