Kolkaść paciarpiełych paśla vybuchaŭ u rasijskim Dziaržynsku dasiahnuła 116 čałaviek
Kolkaść paciarpiełych, jakija źviarnulisia ŭ miedycynskija ŭstanovy paśla sieryi vybuchaŭ u cechu NDI «Kryštal» u rasijskim Dziaržynsku, skłała 116 čałaviek, siarod ich dzicia. Pra heta paviedamlaje ria.ru sa spasyłkaj na krynicu ŭ ekstranych słužbach Nižaharodskaj vobłaści.
Pa słovach surazmoŭcy ahienctva, pa stanie na 3 červienia na lačeńni znachodziacca 17 čałaviek, adzin ź ich u ciažkim stanie.
U subotu 1 červienia ŭ cechu pa vytvorčaści tratyłu na DziaržNDI «Kryštal» u Nižaharodskaj vobłaści adbylisia try vybuchi. Pa dadzienych MNS, paśla hetaha pačaŭsia pažar na płoščy 100 kvadratnych mietraŭ.
Infarmacyi ab zahinułych niama. U vyniku zdareńnia paškodžana škleńnie bolš za 450 budynkaŭ, u tym liku 32 škoł i 55 dziciačych sadoŭ.