U Babrujsku patanuŭ padletak. Jaho siabry prasili dapamohi ŭ minakoŭ, ale tyja dumali, što dzieci žartujuć
11 červienia pryblizna ŭ 16.00 ŭ 5-m mikrarajonie Babrujska patanuŭ 14-hadovy padletak, vučań 32-j škoły, piša Tut.by.
Fota «Viečiernij Bobrujsk»
Kampanija dziaciej adpačyvała na Biarezinie ŭ rajonie popłava, jaki nazyvajuć u narodzie «husinym». Adzin z chłopčykaŭ skoknuŭ u raku i nie vynyrnuŭ. Dzieci sprabavali sami znajści jaho, nie ŭdałosia. Źviarnulisia pa dapamohu da žančyny, jakaja adpačyvała pobač. Jana patelefanavała ŭ MNS, tyja — u vyratavalnuju stancyju, raspavioŭ načalnik vyratavalnaj stancyi № 2 Valeryj Barsukoŭ.
Vadałazy pačali pošuki, pakul padletka nie znajšli.
Mama chłopčyka raspaviała, što jaje syn Dzima učora pajšoŭ u pracoŭny łahier pry škole. Paśla łahiera, jak akazałasia, ź siabrami pajšoŭ na rečku. U 16.30 joj patelefanavała milicyja, skazali, što ź Dzimam biada.
Siabry Dzimy prasili dapamohi ŭ mužčyn, jakija prachodzili mima — z krykami «Tonie! Tonie!», - ale tyja padumali, što padletki žartujuć, i syšli.