U Homieli 21-hadovy chłopiec u słuchaŭkach trapiŭ pad ciahnik
Zdareńnie adbyłosia ranicaj u 3.45 na Mochava pierajeździe. Małady čałaviek u słuchaŭkach zreahavaŭ na hruzavy sastaŭ, prapuściŭšy jaho. Adnak, nie čakajučy, pakul adkryjecca šłahbaum, jaki zabaraniaje pierachod, pačaŭ ruch, paviedamlajuć Mocnyja naviny.
U hety momant pa inšych rejkach z procilehłaha boku išoŭ dyziel. Małady čałaviek spatyknuŭsia i ŭpaŭ pamiž rejkami. Mašynist dyziela padaŭ sihnał i prymianiŭ ekstrannaje tarmažeńnie. Paciarpieły apynuŭsia pad druhim vahonam sastava. Z traŭmaj hałavy i chrybietnika jaho źmiaścili ŭ reanimacyju.