Niemiec, što źnik u Minsku, znajšoŭsia
Učora stała viadoma, što ŭ Minsku źnik niemiec Marcin Majster.
Paviedamlałasia, što ranicaj 16 červienia jon pajšoŭ z kłuba pa vulicy Kastryčnickaj i źnik. Kazałasia, što niemiec vałodaje tolki niamieckaj i anhlijskaj.
Jak paviedamlaje atrad «Anioł» chłopiec znajšoŭsia i ź im usio dobra.
«Tak skłalisia abstaviny, što ŭ Marcina złamaŭsia telefon i mužčyna nie moh źviazacca sa svaimi siabrami i nie moh paviedamić pra svojo miescaznachodžańnie. Adnak usio dobra, mužčyna znojdzieny», — havorycca ŭ paviedamleńni.