U Polščy pačalisia samyja maštabnyja ŭ hetym hodzie vajennyja vučeńni
U Polščy pačalisia vajskovyja vučeńni DRAGON-19 z udziełam 18 tysiač całdat z 12 dziaržaŭ NATA i 2500 adzinak vajskovaj techniki. Pra heta paviedamlaje Radyjo Polšča.
DRAGON-19 — heta najbujniejšyja ŭ hetym hodzie vajennyja manieŭry ŭ Polščy, jakija buduć doŭžycca čatyry dni.
Manieŭry prachodziać na sušy, na mory, u pavietry i kibierprastory, ich hałoŭnaja meta — pravieryć sumiaščalnaść polskich častak z sajuźnickimi vojskami, jakija dysłakujucca ŭ Polščy ŭ ramkach umacavańnia ŭschodniaha fłanhu NATA.
Hałoŭnym udzielnikam manieŭraŭ DRAGON-19 jość 11-ja Lublinskaja dyvizija braniatankavaj kavaleryi, jakuju ŭ ramkach vučeńniaŭ padtrymajuć vajskovyja padraździaleńni ZŠA, Brytanii, Kanady, Hiermanii, Rumynii i Słavakii.