Sud vynies vyrak dvum supracoŭnikam «Jeŭraopta», jakija źbivali i vyhaniali hołymi na vulicu vykradalnikaŭ ałkaholu
Fota Nadziei Bužan
U stalicy vynieśli prysud dvum supracoŭnikam mahazina, jakija ŭletku 2018-ha vyrašyli pravučyć vykradalnikaŭ tavaru pa-svojmu — mužčyn źbili i zahadali im raspranucca, paśla čaho vypravadzili na vulicu hołymi.
Sud pryznaŭ fihurantaŭ vinavatymi i prysudziŭ Paŭła Rafalskaha da 7 hadoŭ, a Alaksieja Dziamidava - da 6 hadoŭ pazbaŭleńnia voli ŭ kałonii ŭzmocnienaha režymu, piša Tut.by
Ich pryznali vinavatymi tolki ŭ chulihanstvie. Pa artykułach ab razboi i vymahalnictvie — apraŭdali. A vytvorčaść pa abvinavačvańni ŭ pieravyšeńni paŭnamoctvaŭ - spyniena pa pradstaŭleńni sudździ.
Paciarpiełym pa spravie, tym samym złoŭlenym na kradziažach, abvinavačanyja pavinny zapłacić za ździeki kampiensacyju maralnaj škody: 2 tysiačy rubloŭ adnamu i 1,5 tysiačy druhomu.