Chakieistu «Junactva», jakoha złavili z narkotykami, dali dva hady chatniaj chimii
18 lipienia sud Centralnaha rajona Minska vynies rašeńnie pa spravie chakieista kłuba «Junactva» Mikity Makarčyka, jakoha 1 krasavika milicejski patrul zatrymaŭ z narkotykami ŭ centry Minska la kinateatra «Maskva», piša Radyjo Svaboda.
Razhlad spravy Makarčyka pačaŭsia ŭ hety ž dzień ranicaj. Na toje, kab vysłuchać pakazańni abvinavačanaha, pazicyju prakurora i advakata, sudździ spatrebiłasia krychu bolš za paŭhadziny. Śviedki, jakich, pavodle materyjałaŭ spravy, kala dziasiatka, na praces nie źjavilisia. U vyniku Mikitu Makarčyka pryhavaryli da dvuch hadoŭ abmiežavańnia voli biez nakiravańnia ŭ papraŭčuju ustanovu adkrytaha typu
Chakieist całkam pryznaŭ svaju vinu i prasiŭ sudździu ab minimalnym pakarańni. Prakuror prasiła sud pakarać chakieista tryma hadami abmiežavańnia voli biez nakiravańnia ŭ miescy pazbaŭleńnia voli.