Minskija ŭłady zabaranili dvum husakam pabracca šlubam
U minčuka Andreja — husak i huska. Jon vyrašyŭ ich pažanić i zładzić uračystuju cyrymoniju, ale haradskim uładam takaja ideja pryjšłasia nie pa dušy, piša Tut.by.
vk.com/harvymaridge
Abaim husiam — paŭtara hoda. Adzin, pa mianušcy Charvistar, žyvie z Andrejem u kvatery, huska Kryšna — na dačy.
— Charvi pryjazdžaje naviedvać Kryšnu, i jany razam vielmi dobra pačuvajucca. Jak źjaviłasia ideja viasiella? Pračytali kamientary padpisčykaŭ, što husaku patrebna siabroŭka i było b vydatna ich pažanić, — raspaviadaje Andrej.
Kab abjadnać zakachanych, Andrej napisaŭ adpaviednuju zajavu.
vk.com/harvymaridge
Jon chacieŭ pravieści ŭračystuju cyrymoniju ŭ Łošyckim parku, ale čynoŭniki jamu admovili, spasłaŭšysia na toje, što vyjaznaja rehistracyja pravodzicca na asnovie zajavy hramadzian.
vk.com/harvymaridge
U dakumiencie taksama adznačałasia, što husi nie adpaviadajuć artykułu 12 Kodeksa RB ab siamji i šlubie («Šlub — heta dobraachvotny sajuz mužčyny i žančyny, jaki zaklučajecca na ŭmovach, praduhledžanych hetym Kodeksam, nakiravany na stvareńnie siamji i sparadžaje dla bakoŭ uzajemnyja pravy i abaviazki»).
Zrešty, jak raspavioŭ Andrej, uračystaja cyrymonija ŭsio ž taki adbudziecca 28 lipienia ŭ adnym z kłubaŭ na minskaj vulicy Kastryčnickaj.