Pucin nazvaŭ Biełaruś najbližejšym sajuźnikam Rasii i stratehičnym partnioram
kremlin.ru
Pra heta zajaviŭ prezident Rasii Uładzimir Pucin, vystupajučy na »Forumie rehijonaŭ» u Sankt-Pieciarburhu, piša ria.ru.
«Padkreślu: Biełaruś dla nas najbližejšy sajuźnik i stratehičny partnior, adnosiny ź jakim budujucca na pryncypach dobrasusiedstva, uzajemnaj pavahi i ŭliku intaresaŭ adzin adnaho», — skazaŭ rasijski lidar.
Jon dadaŭ, što rehularnyja sustrečy pradstaŭnikoŭ rehijanalnych i miascovych orhanaŭ ułady, dziełavoj supolnaści, dziejačaŭ adukacyi, navuki i kultury adyhryvajuć «vialikuju rolu ŭ kantekście raźvićcia siabroŭskich rasijska-biełaruskich adnosin».
«Našy krainy ŭmacoŭvajuć palityčnaje i ekanamičnaje ŭzajemadziejańnie ŭ ramkach Sajuznaj dziaržavy, dvaccacihodździe jakoj adznačajecca ŭ hetym hodzie. Aktyŭna ŭdzielničajuć u dziejnaści Jeŭrazijskaha ekanamičnaha sajuza, u farmiravańni adzinych rynkaŭ tavaraŭ, pasłuh, kapitału i pracoŭnaj siły», — dadaŭ prezident RF.