Amierykanski sienatar paprasiŭ pravieryć rasijskuju prahramu FaceApp na pahrozu biaśpiecy
18 lipienia lidar Demakratyčnaj partyi ŭ Sienacie ZŠA Čak Šumier paprasiŭ FBR i Fiederalnuju handlovuju kamisiju ZŠA pravieryć papularnuju prahramu FaceApp z-za ryzyk dla nacyjanalnaj biaśpieki i piersanalnych danych.
Dostup da hetych danych moža atrymać «varožaja zamiežnaja dziaržava», padkreśliŭ sienatar.
Šumier paprasiŭ pravieryć FBR imaviernaść, što danyja amierykancaŭ trapiać da rasijskaha ŭrada abo źviazanych ź im struktur. Fiederalnaja handlovaja kamisija, na jaho dumku, pavinna papiaredzić žycharoŭ ZŠA pra niebiaśpieku vykarystańnia prahramy.
A kiraŭnik adździeła biaśpieki Demakratyčnaj partyi Bob Łord razasłaŭ list udzielnikam pieradvybarnaj kampanii ŭ prezidenty ZŠA ŭ 2020 hodzie, u jakim paprasiŭ nieadkładna vydalić FaceApp, kali jany paśpieli jaho ŭstalavać.
«Na žal, hetaja inavacyja nie pazbaŭlenaja ryzyki: FaceApp była raspracavana ruskimi», — cytuje CNN list Łorda. Tamu, kanstatuje jon, zahruzka fatahrafij u jaho vyklikaje vyklikaje «istotnuju zaniepakojenaść».