Pucin: Rasija moža ŭvieści dadatkovyja biudžetnyja miescy ŭ VNU dla biełarusaŭ
U Rasii prapracoŭvajuć mahčymaść vydzialeńnia dadatkovych biudžetnych miescaŭ u VNU dla biełarusaŭ. Pra heta Uładzimir Pucin paviedamiŭ siońnia na forumie rehijonaŭ Biełarusi i Rasii, pieradaje BiełTA.
Fota: Nadzieja Bužan.
«Z rasijskaha boku prapracoŭvajecca mahčymaść vydzialeńnia dadatkovych biudžetnych miescaŭ dla hramadzian Biełarusi ŭ našych univiersitetach», — skazaŭ Uładzimir Pucin.
Pavodle jaho słoŭ, ciapier u rasijskich VNU na biudžetnaj asnovie navučajucca kala 4 tysiač biełarusaŭ. Kab spraścić pastupleńnie biełaruskich abituryjentaŭ u VNU Rasii, u 2020 hodzie płanujecca pravodzić u Minsku Adziny dziaržaŭny ekzamien. U budučyni takuju praktyku možna raspaŭsiudzić i na inšyja harady Biełarusi pry ŭzhadnieńni z kiraŭnictvam krainy i profilnymi viedamstvami dźviuch krain, ličyć prezident Rasii.