Polšča paličyła niedarečnym zaprašać Pucina na mierapryjemstvy ŭ pamiać hadaviny pačatku Druhoj suśvietnaj vajny
Zaprašeńnie rasijskamu lidaru Uładzimiru Pucinu na mierapryjemstvy ŭ Polščy ŭ pamiać hadaviny pačatku Druhoj suśvietnaj vajny nie nakiroŭvałasia. Heta paćvierdziŭ vice-premjer polskaha ŭrada Jacek Sasin, paviedamlaje polskaje radyjo.
«Było b niedarečna adznačać hadavinu ŭzbrojenaj ahresii suprać Polščy z udziełam lidara, jaki siońnia dziejničaje takim čynam u adnosinach da susieda», — zajaviŭ palityk. Pavodle jaho słoŭ, čakajecca taksama pryjezd kanclera Hiermanii Anhieły Mierkiel i inšych lidaraŭ. Chutčej za ŭsio, prybudzie i prezident ZŠA Donald Tramp.