U stalicy kiroŭca Porsshe Cayenne biejsbolnaj bitaj pabiŭ dastaŭščyka picy
21-hadovaha dastaŭščyka picy ŭ Minsku pabili bitaj. Kali jon ruchaŭsia pa praśpiekcie Puškina, pamiž im i kiroŭcam aŭtamabila Porsshe Cayenne zdaryŭsia kanflikt — jany nie padzialili darohi, paviedamlaje milicyja.
Złamyśniku heta nie spadabałasia, i jon vyrašyŭ «pravučyć» vadziciela Daewoo Matiz. Fihurant vyjšaŭ z mašyny, dastaŭ z bahažnika aŭtamabila biejsbolnuju bitu i nanios nie mienš za try ŭdary pa hałavie paciarpiełaha praz adkrytaje akno aŭtamabila.
36-hadovaha złamyśnika zatrymali. Paśviedčańnia kiroŭcy ŭ jaho nie było.