ZŠA źbili iranski bieśpiłotnik
Vajskoŭcy ZŠA źbili iranski bieśpiłotnik u rajonie Armuzskaha praliva. Pra heta paviedamiŭ prezident krainy Donald Tramp, paviedamlaje Reuters.
Dron nabliziŭsia da amierykanskaha desantnaha karabla USS Boxer na adlehłaść kala 900 mietraŭ. Tramp zaklikaŭ inšyja krainy asudzić dziejańni Irana i abaranić svaje karabli, jakija prachodziać praz praliŭ.
«USS Boxer raspačaŭ abarončyja dziejańni suprać iranskaha bieśpiłotnika, jaki nabliziŭsia na vielmi, vielmi blizkuju adlehłaść — prykładna 900 mietraŭ, ihnarujučy šmatlikija papieradžalnyja sihnały», — skazaŭ Tramp.