Rasijskija siłaviki padkinuli narkotyki 16-hadovamu školniku i vymahali ŭ jaho hrošy
Dvuch supracoŭnikaŭ Rashvardyi — Mikitu Łaŭrenćjeva i Alaksandra Bajkova — zatrymali ŭ Sankt-Pieciarburhu za padkidvańnie narkotykaŭ i vymahalnictva hrošaj u 16-hadovaha školnika, paviedamlaje «Fontanka».
Jak piša vydańnie, 16 lipienia supracoŭniki Rashvardyi spynili maładoha čałavieka i nibyta znajšli ŭ jaho narkotyki, paśla čaho zapatrabavali hrošy ŭ pamiery 300 tysiač rasijskich rubloŭ (amal 5 tysiač dalaraŭ).
Školnik addaŭ im častku hrošaj, zatym supracoŭniki Rashvardyi adpuścili junaka, damoviŭšysia, što jon pakładzie astatniuju sumu ŭ zahadzia abumoŭlenaje miesca. Paśla hetaha małady čałaviek patelefanavaŭ u słužbu «112» i paviedamiŭ: «Vašy palicejskija mnie padkinuli narkotyki i patrabujuć hrošaj».
Apieratyŭniki ekanamičnaj palicyi arhanizavali zasadu i zatrymali supracoŭnikaŭ rasijskaj nacyjanalnaj hvardyi.