Dziaržsakratara ZŠA nie puścili ŭ Iran

Dziaržsakratar ZŠA Majk Pampiea zajaviŭ, što Iran nie pryniaŭ jaho prapanovu naviedać Tehieran i «pahavaryć prosta ź iranskim narodam». Pra heta jon napisaŭ u Twitter.

We aren't afraid of @JZarif coming to America where he enjoys the right to speak freely. Are the facts of the @khamenei_ir regime so bad he cannot let me do the same thing in Tehran? What if his people heard the truth, unfiltered, unabridged?

— Secretary Pompeo (@SecPompeo) July 28, 2019

Ideju naviedać Iran Pampiea raniej ahučyŭ u adnym ź intervju. Pavodle jaho słoŭ, kiraŭnik MZS Irana Machamad Džavad Zaryf pastajanna pryjazdžaje ŭ ZŠA, dzie «karystajecca pravam havaryć svabodna».

Raniej prezident ZŠA Donald Tramp i dziaržsakratar Majk Pampiea zajaŭlali pra hatoŭnaść da pieramovaŭ ź Iranam. Niahledziačy na ​​toje što farmalna ŭ Vašynhtonie nie vyłučajuć papiarednich umoŭ, sama tematyka mahčymych pieramovaŭ nie zadavalniaje Tehieran: Tramp choča pierahladu pahadnieńnia «jadziernaj ździełki» 2015 hoda, ź jakoj ZŠA vyjšli ŭ minułym hodzie.

U novym dakumiencie, na dumku amierykanskaha lidara, pavinny być adlustravany abaviazacielstvy Irana pa źmienie svajoj palityki, pierš za ŭsio admova ad padtrymki teraryzmu za miažoj i raspracoŭki jadziernaj zbroi. U advarotnym vypadku ZŠA pahražajuć praciahvać palityku sankcyj suprać Irana.

Kamientary da artykuła