Raśsielhasnahlad zabaraniŭ pastaŭki pradukcyi troch biełaruskich pradpryjemstvaŭ
Raśsielhasnahlad z 28 lipienia zabaraniŭ pastaŭki pradukcyi žyviołahadoŭli troch pradpryjemstvaŭ Biełarusi. Pra heta havorycca ŭ paviedamleńni viedamstva.
Zabarona zakranuła «Bietpak» - z-za paŭtornaha vyjaŭleńnia DNK kurycy ŭ kansiervach ź jałavičyny; «Vitkonpradukt» - za paŭtornaje vyjaŭleńnie procimikrobnych preparataŭ u miasie ptuški; Maładziečanskaha małočnaha kambinata — za paŭtornaje pieravyšeńnie kolkaści droždžaŭ u tvarahu.
Taksama ŭviedzieny režym ŭzmocnienaha łabaratornaha kantrolu za 10 pradpryjemstvami ŭ suviazi z vyjaŭleńniem pieršasnaha parušeńnia vieterynarnych patrabavańniaŭ Rasii i JEAES.
Jašče Raśsielhasnahlad paviedamiŭ, što z 29 lipienia zdymaje zabaronu na ŭvoz u RF pradukcyi Homielskaha białkova-tłuščavaha zavoda.