Makiej: Poŭnaja admiena sankcyj — pierśpiektyŭnaja zadača adnosin Biełarusi ź ES
Uładzimir Makiej i Andrea Viktaryn. Fota pres-słužby MZS.
Biełaruś nastrojena na sumiesnuju dalejšuju pracu ź Jeŭrapiejskim sajuzam pa pašyreńniu palityčnaha dyjałohu i ŭzajemavyhadnaha handlova-ekanamičnaha supracoŭnictva. Pra heta zajaviŭ ministr zamiežnych spraŭ Uładzimir Makiej na sustrečy z kiraŭnikom pradstaŭnictva ES u Biełarusi Andrea Viktaryn z nahody zaviaršeńnia joju dypłamatyčnaj misii, paviedamili BiełTA ŭ pres-słužbie MZS.
Kiraŭnik zamiežnapalityčnaha viedamstva padkreśliŭ važki asabisty ŭkład Andrea Viktaryn ŭ praces pastupalnaj narmalizacyi biełaruska-jeŭrapiejskich adnosin. Za pieryjad jaje znachodžańnia na pasadzie pasła ES u Biełarusi istotna aktyvizavaŭsia palityčny dyjałoh z vykanaŭčymi strukturami Jeŭrapiejskaha sajuza, nabyli rehularny charaktar pasiadžeńni kaardynacyjnaj hrupy Biełaruś-ES i halinovych dyjałohaŭ, pašyryłasia inviestycyjnaje ŭzajemadziejańnie, pavialičylisia abjomy techničnaj dapamohi Jeŭrasajuza dla Biełarusi.
Boku ščylna nablizilisia da padpisańnia pahadnieńniaŭ ab spraščeńni vizavych pracedur i readmisii, adznačyŭ Makiej.
Tavarazvarot pamiž Biełaruśsiu i Jeŭrapiejskim sajuzam u 2015-2018 hadach vyras ad $ 14,4 młrd da $ 17,3 młrd, u tym liku ekspart Biełarusi - z $ 8,6 młrd da $ 10,2 młrd.
U čas sustrečy razmova išła taksama ab pierśpiektyŭnych zadačach, jakija stajać na paradku dnia Biełaruś-ES. U pryvatnaści, Uładzimir Makiej padkreśliŭ važnaść poŭnaj admieny Jeŭraźviazam jakija zastajucca sankcyj u dačynieńni da našaj krainy, chutčejšaha zaviaršeńnia pracesu ŭzhadnieńnia «pryjarytetaŭ partniorstva» i zapusku pieramoŭ pa novym bazavym pahadnieńni pamiž Biełaruśsiu i Jeŭrasajuzam.
«Sa svajho boku Biełaruś nastrojena na sumiesnuju dalejšuju pracu ź ES pa pašyreńni palityčnaha dyjałohu i ŭzajemavyhadnaha handlova-ekanamičnaha supracoŭnictva, farmavańnia paŭnavartasnaj dvuchbakovaj dahavorna-pravavoj bazy, napaŭnieńnie paradku dnia inicyjatyvy «Uschodniaje partniorstva» kankretnym i karysnym dla hramadzian pa abodva baki miažy źmiestam», - padkreślili ŭ MZS.
Pry kancy Uładzimir Makiej pažadaŭ Andrea Viktaryn dalejšych pośpiechaŭ u jaje dypłamatyčnaj karjery i vykazaŭ nadzieju, što jaje pierajemnik na pasadzie kiraŭnika pradstaŭnictva JEZ u Biełarusi budzie vyznačacca takoj ža aktyŭnaściu i skiravanaściu na vynik u raźvićci biełaruska-jeŭrapiejskaha supracoŭnictva.