U Minsku adbyłasia cyrymonija šlubu dvuch husiej FOTY
Dziŭna, ale cyrymoniju praviała sapraŭdnaja supracoŭnica adnaho sa staličnych ZAHSaŭ.
U subotu, 28 lipienia, Kastryčnickaja vulica była ŭpryhožanaja jak dla sapraŭdnaha viasiella. U 19.00 tudy padjechaŭ limuzin, ź jakoha vyjšaŭ huś Charvister i jaho «niaviesta» Kryšna.
Haspadar husiej Andrej dapamoh ptuškam dabracca da śpiecyjalna zroblenaha dla ich pastamientu, dzie supracoŭnica ZAHSa začytała šlubnuju klatvu, zatym husi abmianialisia piarścionkami, jakija nadzieli im na šyju.
U haspadara husia ŭ Jutubie jość admysłovy kanał, dzie jon raźmiaščaje videa z pryhodami svajho hadavanca.