U Rasii zapatrabavali zavočna aryštavać małdaŭskaha aliharcha Płachatniuka
Śledčy departamient rasijskaha MUS źviarnuŭsia ŭ sud z prośbaj vynieści rašeńnie ab zavočnym aryšcie eks-kiraŭnika Demakratyčnaj partyi Małdovy, aliharcha Uładzimira Płachatniuka, pieradaje TASS. U Rasii jaho abvinavačvajuć u arhanizacyi złačynnaj supolnaści i valutnych machinacyjach.
26 červienia Płachatniuku byli vystaŭlenyja abvinavačańni ŭ arhanizacyi narkasindykata, jaki arhanizavaŭ pastaŭki narkotykaŭ z Paŭnočnaj Afryki ŭ krainy SND. Pa viersii śledstva, złačynnaja hrupoŭka była stvorana ŭ 2012 hodzie, joj kiravali nabližanyja da Płachatniuka kryminalnyja lidary. Akramia taho, MUS Rasii nazyvała Płachatniuka padazravanym pa spravie ab vyvadzie z Rasii socień miljonaŭ dalaraŭ. Viedamstva zavočna vystaviła Płachatniuku abvinavačvańni.
Sam Płachatniuk upeŭnieny, što abvinavačvańni matyvavanyja palityčna i što Maskva takim čynam sprabuje jaho zapałochać.