Jak vyhladajuć interjery internata Akademii pry prezidencie? FOTY
U «Našu Nivu» pastupiŭ ananimny zvarot nibyta ad supracoŭnikaŭ Akademii kiravańnia pry prezidencie.
Śćviardžałasia tam nastupnaje: «Internat pa Ščorsa, 5 nie prajšoŭ pravierku na navučalny hod. Usich studentaŭ pierasialajuć na Karła Marksa. A na Marksa ŭ asnoŭnym žyvuć časovyja słuchačy zavočki i, hałoŭnaje, siemji rabotnikaŭ akademii: vykładčyki, łabaranty i hetak dalej. Dyk voś, ich siemji Hienadź Palčyk [rektar Akademii kiravańnia] vysialaje ź internata», — pisali ananimy ŭ zvarocie.
«Naša Niva» stała raźbiracca. «Ja sam pražyŭ u internatach 13 hadoŭ!» — adkazaŭ nam rektar Akademii kiravańnia Hienadź Palčyk. A što da pretenzij u ananimcy na nibyta nieprymalny stan žytła, jon prapanavaŭ žurnalistam pryjechać i na svaje vočy pahladzieć.
«Litaralna hadzinu tamu ŭ nas skončyłasia narada pa temie zabiaśpiečanaści žyllom, — raskazaŭ rektar. — Vyrašana zasialić u internaty 100% studentaŭ, jakija zajavili patrebu, navat tych, da kaho letaś mieŭ zaŭvahi. Moža, piedahahična heta niejak niapravilna — hučali takija dumki, — što treba pakinuć stymuł. Ale vyrašyli zasialić usich».
U Akademii kiravańnia niekalki internataŭ, i toj, što na Ščorsa, vyrašyli całkam addać studentam. Dahetul tam žyli i niekatoryja supracoŭniki akademii. Voś ich i pierasialajuć u centr horada, na Karła Marksa.
«Padobnyja ž skarhi prychodzili ŭžo i ŭ inšyja ŭstanovy. Ale pa-našamu, heta pytańnie asabistaj zacikaŭlenaści, — skazaŭ nam rektar akademii. — Niekatoryja našy supracoŭniki na Ščorsa pražyvali ŭ pakojach pa adnym. Ale kali dva chłopcy ci dźvie dziaŭčyny, čamu b im nie žyć razam? Bo kali dva čałavieki žyvuć pa adnym, značycca, dva miescy źnikli. Jak tolki ŭstupiać u šlub, to my harantavana dajom asobny pakoj, kali jość dzieci — błok. Heta prosta pracoŭnyja momanty, usio ŭ ramkach adpaviednych pastanovaŭ. Usie supracoŭniki z tych, chto maje patrebu, zapiaśpiečany internatam», — zapeŭniŭ Palčyk.
Voś jak vyhladaje internat dla studentaŭ Akademii kiravańnia na Ščorsa, 5.
Žyć u im buduć 200 studentaŭ. Niekatoryja — pamočniki pryjomnaj kamisii, para zamiežnikaŭ — žyvuć tam i ciapier.
Voś tak znutry vyhladaje pakoj:
A tak — kuchnia:
Supracoŭniki internata patłumačyli «Našaj Nivie», što kančatkova jany hety «pašpart hatoŭnaści» jašče nie atrymali, ale i havaryć pra niejki niezadavalniajučy stan, maŭlaŭ, nie vypadaje.
«Sanstancyju prajšli, pažarnuju inśpiekcyju prajšli. Ciapier jašče z kamiteta pa architektury musiać pryjechać dakumienty ŭžo ŭ administracyi rajona, usio narmalna, u nas prablem niama», — kažuć jany.
Z bonusaŭ — pobač ź internatam jašče i vialiki spartyŭny kompleks akademii z basiejnam, załami dla fitnesu, aerobiki i hetak dalej.
Dla cikavaści my zajechali taksama i na Karła Marksa, dzie buduć žyć supracoŭniki, a taksama słuchačy Instytuta dziaržaŭnaha kiravańnia — zavočniki.
Pakoi tam vyhladajuć voś tak: