Atambajeva abvinavacili ŭ sprobie dziaržaŭnaha pieravarotu i zabojstvie śpiecnazaŭca
Kiraŭnik Dziaržaŭnaha kamiteta nacyjanalnaj biaśpieki Kyrhyzstana Araźbiek Apumbajeŭ zajaviŭ, što były prezident Ałmaźbiek Atambajeŭ rychtavaŭ dziaržaŭny pieravarot.
«Namier Atambajeva — dziaržpieravarot. Ja heta kažu aficyjna», - skazaŭ Apumbajeŭ u aŭtorak na pres-kanfierencyi.
Kiraŭnik viedamstva ličyć, što Atambajevu «patrebna była kroŭ dla praviadzieńnia dziaržaŭnaha pieravarotu». U domie eks-prezidenta, pa słovach Apumbajeva, znajšli snajpierskija vintoŭki, pistalety, strelby.
Apumbajev adznačyŭ, što ŭ bajca śpiecnaza, jaki zahinuŭ pry sprobie zatrymańnia Atambajeva, stralaŭ sam były prezident.