U Sidnei mužčyna z krykami «Ałachu Akbar» udaryŭ nažom žančynu
U Sidnei (Aŭstralija) mužčyna z nažom napaŭ na žančynu, sprabavaŭ paranić inšych minakoŭ i skakaŭ na mašynie. Jaho zatrymali vidavočcy, pieradaje vydańnie 7news.
Skryvaŭleny mužčyna z nažom skakaŭ pa aŭtamabili Mercedes. Prachožyja čuli kryki «Ałachu Akbar», kali sprabavali zatrymać jaho.
Jak vyjaviłasia, nieviadomy ŭdaryŭ žančynu nažom u śpinu. Paźniej jaje znajšli miedyki kala hatela z kołataj ranaj. Paciarpiełuju dastavili ŭ balnicu ŭ stabilnym stanie.
Inśpiektar Hevin Vud zajaviŭ žurnalistam, što mužčyna rabiŭ «šmatrazovyja sproby» rezać inšych ludziej, ale jany byli «na ščaście, niaŭdałymi».
Jon vysoka acaniŭ namahańni ludziej, jakija aryštavali złamyśnika. «Jany ŭziali pad vartu hetaha čałavieka i dazvolili nam rabić svaju pracu», — zajaviŭ Vud.