U Biełarusi źjaviłasia marožanaje sa smakam syru
Kaniečnie, heta nie takaja bomba, jakoj stała źjaŭleńnie čornaha marožanaha ad toj ža Mahiloŭskaj fabryki marožanaha. Ale novaje — heta cikava zaŭsiody.
Namieśnica dyrektara pa vytvorčaści Volha Vasilkova raskazała «Našaj Nivie», što marožanaje handlovaj marki Summerland užo možna znajści ŭ prodažy.
«Ja chaču ŭdakładnić, što heta marožanaje nie z syram u čystym vyhladzie, a sa smakam čyzkiejku. Jano na smak nahadvaje viadomaje ŭsim pirožnaje.
Marožanaje hetaj handlovaj marki cikavaje tym, što ŭ im spałučylisia absalutna niečakanyja napaŭnialniki: i harbuz, i piečyva, i johurt, i hrecki arech, i mindal, i apielsinavaja cedra, i navat zialonaja harbata matča. Viadoma, heta nie ŭ adnym marožanaje, a roznyja ŭ adnoj liniejcy», — raskazała Volha Vasilkova.