Na budoŭli Astravieckaj AES pamior kranaŭščyk
Fota Nadziei Bužan
Dačka pamierłaha raskazała Radyjo Svaboda, što baćka nie skardziŭsia na ŭmovy pracy.
Infarmacyja pra śmierć kranaŭščyka na budoŭli Astravieckaj AES źjaviłasia ŭ telehram-kanale Nexta ŭ aŭtorak. Pavodle jaje, cieła baćki, jaki byŭ supracoŭnikam adnoj z arhanizacyj-padradčykaŭ, znajšli inšyja rabočyja ranicaj u aŭtorak. Na miesca vyjechali supracoŭniki śledčaj hrupy. Aficyjnaha paćvierdžańnia hetaj infarmacyi pakul niama.
Jak stała viadoma Svabodzie, zahinułamu 53 hady, jon pracavaŭ u arhanizacyi minskaj «Biełelektramantažnaładka», žyŭ u Čyści (Maładziečanski rajon). U jaho troje darosłych dziaciej.
Pavodle dački pamierłaha, pra biadu siamja daviedałasia ranicaj 13 žniŭnia.
«My zvanili baćku sami ŭčora, ale nie zmahli dazvanicca, — raskazała jana. — A siońnia ranicaj na numar majoj siastry pazvanili z Astraŭca i raskazali pra ŭsio. Ciapier my jedziem u astravieckuju lakarniu. Padrabiaznaściaŭ pakul nie viedajem, ničoha kankretnaha nam nie skazali. Baćka pracavaŭ na budoŭli AES, ale nie skardziŭsia na pracu. Usio było narmalna».