Kamisar Chan patłumačyŭ, čamu nie adbyŭsia vizit Mahieryni ŭ Minsk
flickr.com
Admiena vizitu ŭ Minsk viarchoŭnaha pradstaŭnika Jeŭrasajuza pa zamiežnych spravach i palitycy biaśpieki Fiederyki Mahieryni nijak nie paŭpłyvaje na siabroŭskija adnosiny Biełarusi i ES. Pra heta ŭ intervju telekanału ANT zajaviŭ člen Jeŭrakamisii pa pytańniach pašyreńnia i palityki dobrasusiedstva Jochanes Chan, piša Tut.by
- Na žal, vizit nie adbyŭsia, tamu što prezident Biełarusi (4 kastryčnika Alaksandr Łukašenka znachodziŭsia ŭ Žytomiry na Druhim forumie rehijonaŭ Biełarusi i Ukrainy) taksama znachodziŭsia nie ŭ krainie, — raspavioŭ Jochanes Chan.
Jon jašče raz padkreśliŭ, što nie było nijakich surjoznych pryčynaŭ dla admieny vizitu, «prosta fizična jaho niemahčyma było ździejśnić».
— U lubym vypadku heta [admiena vizitu] nijak nie paŭpłyvaje na siabroŭskija adnosiny Biełarusi i Jeŭrapiejskaha sajuza, i ja spadziajusia, što ŭ ich navat źjavicca stanoŭčaja dynamika ŭ najbližejšy čas, - dadaŭ Chan.
Pry hetym jon adznačyŭ, što spadziajecca, što vizavaje pahadnieńnie budzie padpisana, jak i pahadnieńnie ab pryjarytetach partniorstva pamiž ES i Biełaruśsiu.