Na terytoryi Mazyrskaha NPZ aŭtobus pierakuliŭsia paśla sutyknieńnia z hruzavikom: adzin čałaviek zahinuŭ, 11 paciarpieli
Surjoznaja avaryja adbyłasia na terytoryi Mazyrskaha NPZ, paviedamlaje Tut.by
Pavodle infarmacyi vidavočcaŭ, ranicaj 7 kastryčnika hruzavik nie prapuściŭ aŭtobus, u jakim jechali rabotniki NPZ. Ad udaru apošni pierakuliŭsia na bok.
Jak paviedamiła pres-słužba MUS, hruzavik «Mersedes» ruchaŭsia pa druhasnaj darozie i nie sastupiŭ darohu słužbovym aŭtobusu. U vyniku adbyłosia sutyknieńnie, aŭtobus pierakuliŭsia na bok. Adnaho z pasažyraŭ vykinuła praz akno i prycisnuła aŭtobusam. Jon zahinuŭ.
Pa miedycynskuju dapamohu źviarnulisia 11 čałaviek. Vadzicieli transpartnych srodkaŭ nie paciarpieli.