Łukašenka: U biełarusaŭ skłałasia asabliva dobraje staŭleńnie da hruzinaŭ
U biełarusaŭ skłałasia asabliva dobraje, pavažlivaje staŭleńnie da hruzinaŭ. Pra heta zajaviŭ Alaksandr Łukašenka siońnia na sustrečy z eks-prezidentam Hruzii Hieorhijem Marhviełašvili, pieradaje BiełTA.
Hruzinski hość pieradaŭ samyja ciopłyja słovy ad svajho naroda. U suviazi z hetym Alaksandr Łukašenka padkreśliŭ, što biełarusy zasłužyli takoje staŭleńnie, bo zaŭsiody stavilisia da hruzinskaha narodu ź vialikaj pavahaj.
Na sustrečy razmova zajšła ab jakaści biełaruskaj pradukcyi, jakuju vysoka šanujuć u Hruzii.
Dahavornaja baza biełaruska-hruzinskaha supracoŭnictva ŭklučaje bolš za 60 pahadnieńniaŭ. Pa vynikach 2018 hoda ŭzajemny tavaraabarot skłaŭ $ 87,1 młn, ź jakich biełaruski ekspart - $ 64,7 młn.