DMK: Tavary, za jakija treba płacić pošlinu, ciapier možna aformić chutčej
Biełaruskaja mytnia z 1 kastryčnika paskoryła mytnaje afarmleńnie. Ciapier mytnyja płaciažy pastupajuć na rachunak za 1—2 chviliny. Pra heta paviedamili ŭ pres-słužbie viedamstva.
Novaŭviadzieńnie palehčyła žyćcio jurasobam, IP, a taksama tym ludziam, jakija viazuć tavary nie dla asabistaha karystańnia, čyje pakupki pieravyšajuć limity pa vazie, koštu i ŭ inšych vypadkach, kali treba vypłačvać mytnyja płaciažy.
Nahadajem, z 1 studzienia 2019 hoda biełarusy, jakija padarožničajuć naziemnym transpartam, mohuć pryvozić tavaraŭ na 500 jeŭra i pa vazie da 25 kiłahramaŭ. Da źmienaŭ limity składali 1500 jeŭra i 50 kiłahramaŭ. Pry ŭjeździe čaściej za adzin raz u 3 miesiacy limity skaračajucca da 300 jeŭra i 20 kh.
Kali raniej z momantu apłaty da pastupleńnia płaciažu na rachunak prachodziła 2—3 hadziny, to ciapier čas skaraciŭsia da 1—2 chvilin. Heta značyć, što čas pierasiačeńnia miažy z tavaram skaraciłasia.
— Vypuścić abo ŭpuscić tavar u krainu mohuć tolki paśla pastupleńnia mytnych płaciažoŭ na rachunak. Sistema imhniennych płaciažoŭ značna paskoryła mytnaje afarmleńnie, — rastłumačyli ŭ DMK. - Akramia taho, praviadzieńnie mytnych płaciažoŭ praź sistemu imhniennych płaciažoŭ dazvalaje apłačvać kruhłasutačna ŭ režymie 24/7/365. Heta značyć sistema dastupnaja 24 hadziny 7 dzion u tydzień 365 dzion u hodzie.
Heta značyć, što, navat kali zapłacić nočču abo ŭ vychadny, infarmacyja ab vypłacie budzie dastupnaja mytnym orhanam na praciahu niekalkich chvilin.