Leŭ Džoni praciahvaje zalacacca da lvicy ŭ Hrodzienskim zaaparku
Internet užo ablacieła videa, na jakim hrozny drapiežnik nie adychodzić ad kachanaj, addana hladzić u vočy, trecca hryvaj ab korč, dzie lažyć Piersieja. Nieprystupnaja ilvica tolki raz prajaviła ŭvahu. Pa słovach śpiecyjalistaŭ, pačućci lvoŭ nie zaležać ad pary hoda. A pavodziny Džoni mahli źmianicca tamu, što ź siaredziny leta paračku ŭ valjery pakinuli sam-nasam, paviedamlaje ont.by.
— Z taho času, jak nie stała treciaj lvicy, Džoni staŭ jašče bolš horača prajaŭlać svaje pačućci. Jon prosta nie adychodziŭ ad Piersiei, jon usialak za joj sačyŭ, nie adpuskaŭ ad siabie. Časam navat davodziłasia dapamahać Piersi pazbavicca ad zalacalnika. Zaraz, z prychodam vosieni, jon ledź-ledź padastyŭ, staŭ bolš łaskavym, bolš kłapatlivym, prama tak pa-mužčynsku, — kaža Śviatłana Rapnickaja, zahadčyca siekcyi drapiežnych žyvioł Hrodzienskaha zaaparka.
U zaaparku spadziajucca, što takaja luboŭ u rešcie rešt pryviadzie da papaŭnieńnia ŭ siamiejstvie lvoŭ. Tym bolš, što drapiežniki ŭ vydatnaj formie. Dy i ŭzrost prydatny dla praciahu rodu — Džoni ŭsiaho 7 hadoŭ, Piersiei — 9.