Łukašenka: Vybary zaŭsiody byli ŭ Biełarusi śviatam
Alaksandr Łukašenka siońnia ŭzhadniŭ pryznačeńnie kiraŭnikoŭ miascovych orhanaŭ ułady, piša BiełTA
Tak pieršy namieśnik kiraŭnika administracyi Maskoŭskaha rajona Minska Taćciana Kaladka pajšła na pavyšeńnie, uznačaliŭšy rajonnuju administracyju.
«Vy ciapier zajmajeciesia vybarami. Jakija niedachopy, što jašče treba zrabić za hety čas, kab vybary hodna prajšli? — spytaŭ u jaje Łukašenka. — My ž nie možam pakazać svaju niearhanizavanaść. Vybary zaŭsiody byli ŭ Biełarusi śviatam. My pavinny arhanizavać hety praces jak śviatočny, ale nie zabyvać pra toje, što heta vybary, što my abirajem pradstaŭnikoŭ u parłamient».
Na pasadu staršyni Dubrovienskaha rajvykankama ŭzhodnieny Anatol Łukašoŭ. U ciapierašni čas jon źjaŭlajecca namieśnikam staršyni Pastajannaj kamisii Pałaty pradstaŭnikoŭ pa ahrarnaj palitycy. Staršynia Drybinskaha rajonnaha Savieta deputataŭ Dźmitryj Pimašenka ŭzhodnieny na pasadu staršyni Mścisłaŭskaha rajvykankama.