U Buda-Kašaloŭskim rajonie ŭ piensijanierki skrali i hrošy, i trymalnik dla maniet
Zdareńnie adbyłosia na dačy ŭ vioscy Šyrokaje, paviedamlaje abłasnaja milicyja.
Złodziej uvajšoŭ na lecišča, uziaŭšy kluč z košyka kala dźviarej. Z žanočaj sumački prapała 300 rubloŭ. Źnik i mahnitny trymalnik dla maniet, što lažaŭ na chaładzilniku.
Apieratyŭniki chutka vyličyli złamyśnika. Nieŭzabavie 35-hadovaja žycharka hetaj ža vioski nie tolki raskazała, jak pranikła ŭ chatu, ale i viarnuła bolšuju častku hrošaj. Astatniaje paśpieła patracić na pradukty i cyharety.