U Minsku zatrymana rasijanka, jakaja patrapiła pad sankcyi ZŠA
Hramadzianku Rasii Hannu Bahačovu, jakaja trapiła pad sankcyi ZŠA pa spravie ab «ŭmiašańni» u vybary, zatrymali ŭ Minsku, paviedamlaje RIA «Naviny» sa spasyłkaj na «krynicu, znajomuju ź situacyjaj».
Pa dadzienych ahienctva, heta adbyłosia pa zapycie ZŠA pazaŭčora, kala 22 hadzin, u adnoj z haścinic.
Jak tłumačyć «Mieduza», Hanna Bahačova u 2018 hodzie trapiła pad sankcyi ZŠA jak supracoŭnica «Ahienctva internet-daśledavańniaŭ», jakoje nazyvajuć «fabrykaj trolaŭ». Raniej jana była aktyvistkaj nacyjanalistyčnaha «Ruskaha vobrazu».
Praz kopiju vydalenaha akaŭnta Ukantakcie žurnalisty «Radyjo Svaboda» vyśvietlili, što Bahačova była viadomaja ŭ nacyjanalistyčnych kołach pad imiem Hanna Tryha.
Pa śćviardžeńni krynicy «Radyjo Svaboda», Bahačova pryjšła pracavać u «Ahienctva internet-daśledavańniaŭ» pad ciskam FSB, bo raniej jana fihuravała ŭ nacyjanalistyčnych kołach.