«Ni za što»: Turcyja nie spynić apieracyju ŭ Siryi
Turcyja nie źbirajecca spyniać vajennuju apieracyju ŭ Siryi, niahledziačy na sankcyi ZŠA. Pra heta zajaviŭ śpikier tureckaha parłamienta Mustafa Šentop.
«Ni za što», — adkazaŭ jon na pytańnie žurnalista ab mahčymym spynieńni apieracyi. Šentop padkreśliŭ, što Ankara ličyć kurdskija farmiravańni terarystyčnymi arhanizacyjami i stavić metaj ich poŭnuju likvidacyju.
Amierykanskija sankcyi, pavodle jaho słoŭ, nie stali dla Turcyi niečakanaściu. «Jany dumajuć, što jany mohuć kiravać mižnarodnaj palitykaj uviadzieńniem sankcyj, ale jany nie majuć racyi. Sankcyi — heta nie šlach dasiahnieńnia vyniku ŭ mižnarodnaj palitycy, zychodziačy z ahulnasuśvietnaha vopytu. Nasamreč sankcyi ŭzmacniajuć krainy, na jakija jany nakładajucca, i Turcyja nie budzie vyklučeńniem», — skazaŭ palityk
Ab uviadzienni sankcyj ZŠA suprać Turcyi z-za vajennaj apieracyi ŭ Siryi stała viadoma raniej 15 kastryčnika. Pad abmiežavalnyja miery trapili ministerstva enierhietyki, Minabarony i šerah čynoŭnikaŭ vyšejšaha ŭzroŭniu