Biełaruś i Kazachstan damovilisia pra pastaŭki nafty
dapoŭniena
U toj ža čas, jak paviedamiŭ kiraŭnik ministerstva Kanat Bazumbajeŭ, damova pakul nie budzie padpisanaja, bo patrabuje ŭnutrydziaržaŭnaha ŭzhadnieńnia, piša tass.ru.
Ministerstva enierhietyki Kazachstana ŭzhadniła ź biełaruskim bokam asnoŭnyja paramietry pahadnieńnia pa pastaŭkach nafty i naftapraduktaŭ u Biełaruś. Pra heta paviedamiŭ žurnalistam u piatnicu ministr enierhietyki Kazachstana Kanat Bazumbajeŭ.
«Tak, my ŭzhadnili asnoŭnyja paramietry pahadnieńnia ab pastaŭkach nafty i naftapraduktaŭ. Kropka. Uzhadnili pahadnieńnie, u asnoŭnym tekst. Možna skazać, što 100% ŭzhadnili», - skazaŭ Bazumbajeŭ, adkazvajučy na pytańnie ab pahadnieńni ab pastaŭkach nafty i naftapraduktaŭ u Biełaruś.
Jon adznačyŭ, što ŭ damovie nie buduć akreślenyja kankretnyja abjomy pastavak, ale «buduć praviły, umovy, jak heta budzie rabicca». «My damo biełaruskim partnioram mahčymaść praviadzieńnia pieramovaŭ z našymi naftazdabyŭčymi kampanijami, pierš za ŭsio, heta našy naftazdabyŭčyja kampanii na Tenhizie, Karačahanaku i Kašahanie», — udakładniŭ kiraŭnik Minenierha Kazachstana, adznačyŭšy, što ź biełaruskim bokam udałosia dasiahnuć pahadnieńnia ab niemahčymaści reekspartu naftapraduktaŭ.
Bazumbajeŭ taksama paviedamiŭ, što damova pakul nie budzie padpisana, jano patrabuje ŭnutrydziaržaŭnaha ŭzhadnieńnia.
«Ciapier nie budzie [padpisana], tamu što treba ŭnutrydziaržaŭnyja pracedury spačatku [prajści]», - skazaŭ Bazumbajeŭ, adkazvajučy na pytańnie, ci budzie padpisana pahadnieńnie ź Biełaruśsiu ŭ časie sustrečy prezidentaŭ dźviuch krain u Nur-sułtanie.
Raniej namieśnik ministra enierhietyki Kazachstana Asiet Mahauaŭ paviedamiŭ žurnalistam, što biełaruski bok vyjaviŭ cikavaść da pastavak nafty i naftapraduktaŭ sumarnym abjomam kala 3,5 młn ton na hod.