Eva Marales abviaściŭ pra pieramohu na vybarach u Balivii, apazicyja palić vybarkamy
Eva Marales nabraŭ 47,07% hałasoŭ, jaho bližejšy supiernik Karłas Miesa - 36,51%. Kab pieramahčy ŭ pieršym tury, kandydatu treba było nabrać bolš za 50% hałasoŭ — abo minimum 40%, ale z adryvam ad bližejšaha supiernika ŭ 10%. Razryŭ pamiž kandydatami ŭ vyniku skłaŭ 10,56%. Jaŭka skłała 88,31%, paviedamlajuć infarmahienctvy.
Marales užo abviaściŭ pra svaju pieramohu na prezidenckich vybarach u pieršym tury. Jaho pavinšavali z vybrańniem MZS Vieniesueły i Mieksiki.
Padlik hałasoŭ vyklikaŭ krytyku apazicyi i Arhanizacyi amierykanskich dziaržaŭ, jakaja vystupała naziralnikam na vybarach. Naziralniki rajać pravieści druhi tur.
Padčas padliku hałasoŭ u šerahu haradoŭ Balivii pačalisia manifiestacyi, jakija pieraraśli ŭ biesparadki. Pratestoŭcy padpalvali rehijanalnyja adździaleńnia vybarčaha suda. Užo viadoma pra vosiem paciarpiełych.
Eva Marales — pradstaŭnik karennaha nasielnictva Amieryki, sacyjalist i prychilnik vyroščvańnia koki — kiruje Balivijaj ad 2006 hoda.