U ZŠA zabojca trapiŭsia ŭ 86 hadoŭ paśla čatyroch dziesiacihodździaŭ vyšuku
Custer County Sheriff's Office in Idaho
U ZŠA aryštavany złačyniec, jaki chavaŭsia ad palicyi z 1980 hoda. Pra heta paviedamlaje CNN.
86-hadovaha Uołtara Džejmsa Mejsana znajšli ŭ štacie Techas. Jon źmianiŭ proźvišča i nazyvaŭsia Uołtaram Džejmsam Elisanam, adnak adbitki palcaŭ paćvierdzili jaho asobu.
Mužčynu šukali za napad, jaki adbyŭsia 39 hadoŭ tamu ŭ horadzie Klejtan, štat Ajdacha. Paciarpieli try naviedvalniki bara. Jon zabiŭ adnaho ź ich strełam u hałavu, paraniŭ druhoha ŭ plačo i nanios žančynie ŭdar tupym pradmietam pa tvary.
Mejsan, jakomu tady było 47 hadoŭ, staŭ hałoŭnym padazravanym. Jaho šukali ofis šeryfa akruhi, FBR i departamient rybnaj i palaŭničaj haspadarki štata Ajdacha, adnak jamu ŭdałosia ŭciačy.
Paśla aryštu Mejsana dastavili ŭ Ajdacha, dzie jaho čakaje sud pa abvinavačvańni ŭ naŭmysnym zabojstvie. Jon admoviŭsia pryznać vinu.