Prysud anarchistu Palijenku: chatniaja chimija i lačeńnie ad ałkahalizmu
abnoŭlena
Siońnia ŭ 12.30 u Minskim haradskim sudzie byŭ abvieščany prysud pa kryminalnaj spravie anarchista Źmitra Palijenki, paviedamlaje spring96.org
Źmitra Palijenku pryznali vinavatym u asabliva złosnym chulihanstvie. Prysud — 3 hady chatniaj chimii (abmiežavańnie voli biez nakiravańnia ŭ papraŭčuju ŭstanovu).
7 miesiacaŭ znachodžańnia ŭ izalatary zaličvajucca pa formule «dzień za dva».
Aproč taho, adzin hod moža być adminusavany za košt amnistyi. Ale heta palohka ŭstupić u siłu tolki kali Palijenka projdzie lačeńnie ad ałkahalizmu.
Takim čynam, Palijenka ŭ najlepšym dla siabie vypadku budzie znachodzicca na chatniaj chimii kala 10 miesiacaŭ.
Jaho vyzvalili ŭ zale suda.