Lohki pravał
Bieź miedaloŭ viartajecca zbornaja Biełarusi z čempijanatu śvietu pa bijatłonie. Letaś była adna ŭznaharoda.
Biez anivodnaha miedala viartajecca biełaruskaja zbornaja z čempijanatu śvietu pa bijatłonie, jaki siońnia skončyŭsia ŭ paŭdniovakarejskim Pjonhčanhu.Ale i pierad pajezdkaj u Kareju było jasna, što nam kali i śviecić, to tolki adna ŭznaharoda.
Apošnija nadziei biełaruskich amataraŭ sportu byli siońnia źviazanyja z žanočym mas-startam. Ale Darja Domračava ŭ vyniku zaniała tolki 6-je miesca.
Mužčynskaja estafietnaja čaćviorka naohuł była 19-j z 26-ci kamandaŭ. Daremna tolki łyžy mazali.
Najlepšy biełaruski vynik na čempijanacie – učorašniaje 4-je miesca ŭ žanočaj estafiecie i 5-je miesca Darji Domračavaj u honcy pieraśledu 15 lutaha.
Na minułym čempijanacie śvietu ŭ biełarusaŭ byŭ adzin miedal – srebra ŭ miašanaj estafiecie.
U ahulnym miedalnym zaliku pieršynstvavała zbornaja Narviehii.U paŭnočnych aleniaŭ (epitet naležyć partału Sport-Siehodnia) – čatyry załatyja, 1 srebranaja i 3 bronzavyja miedali. Pryčym čatyry załatyja miedali – try indyvidualnyja, adzin u estafiecie – zavajavaŭ Ole-Ejnar Bjorndalen.
U Niamieččyny vosiem miedaloŭ (2+4+2), u Rasii – 7 (2+1+3).
Strelili na hetym čempijanacie Aŭstryja i Šviecyja, jakija zavajavali pa try miedali: Aŭstryja (1+2+0), Šviecyja (1+1+1). U Francyi dva miedali: zołata i bronza, u Słavienii – srebra.
Paśpiachova vystupili Charvatyja i Słavakija. U Słavakii – adno srebra (siońnia jaho zavajavała Nastaśsia Kuźmina, što vystupaje za hetu zbornuju), a pieršy ŭ historyi miedal (bronzu) dla charvataŭ na ŭsich čempijanatach śvietu zavajavaŭ Jakaŭ Fak (u indyvidualnaj honcy).
***
Ad sakavika adnoviacca etapy Kubku śvietu pa bijatłonie.Zastalisia try etapy. Najbližejšy – u kanadskim Vankuviery praz dva tydni.