Rumas: Dla dasiahnieńnia BUP u $100 miljardaŭ patrebny strukturnyja źmieny
Dla dasiahnieńnia BUP u $100 miljardaŭ patrebny strukturnyja źmieny, zajaviŭ premjer-ministr Siarhiej Rumas siońnia na nulavym čytańni biudžetu ŭ Pałacie pradstaŭnikoŭ, pieradaje BiełTA.
«Kiraŭnik dziaržavy pastaviŭ nam zadaču da kanca nastupnaj piacihodki dasiahnuć VUP u $100 młrd. Ja vymušany pryznać, što siońnia pakul što ŭrad drenna pracuje nad vykanańniem hetaj zadačy», — skazaŭ Siarhiej Rumas.
Pavodle jaho słoŭ, niahledziačy na ŭsie namahańni, ekanomika raście nie tymi tempami. Premjer-ministr ličyć spraviadlivaj krytyku ŭrada z hetaj nahody.
Siarhiej Rumas adznačyŭ, što jość roznyja scenary, navat z ulikam nie vielmi dobraha 2019 hoda, jakimi pavinny być tempy rostu ekanomiki, kab vykanać hetuju zadaču.
«Siońnia vidavočna, što ekanomika ŭ ciapierašnim jaje stanie, tradycyjnaja ekanomika, nie zdolnaja hienieravać taki VUP. Mabyć, nam u nastupnaj piacihodcy spatrebicca vialikaja praca pa strukturnych źmienach, kab my stvaryli novyja haliny ekanomiki, novyja vytvorčaści, jakija dazvolać hetaha dasiahnuć», — ličyć kiraŭnik urada.