Ci zmoža Brest aformić čempijonstva ŭžo ŭ niadzielu? Pytańni 28 tura čempijanatu Biełarusi pa futbole
Daminavańniu BATE nadyšoŭ kaniec. Zastajucca drobnyja matematyčnyja šancy, u jakija, zdajecca, užo nie vierać navat u Barysavie. Brest zhulaŭ uničyju, a BATE doma biassłaŭna sastupiŭ «Isłačy», jašče na adzin bał nabliziŭšy «Dynama» da čempijonstva. Razam z Bukmiekierskaj kantoraj Marafon nazirajem za pačatkam novaha etapa ŭ biełaruskim futbole.
U niadzielu ŭ Breście było vielmi śpiakotna. U druhim tajmie klučavym hulcom matču staŭ arbitr Viktar Šymusik sa svaimi pamočnikami, jaki spačatku admianiŭ praz sprečny afsajd hoł «Dynama», a potym nie zaŭvažyŭ hulniu rukoj abaroncy «Šachciora» Ihara Burko va ŭłasnaj štrafnoj.
Fota: FK «Šachcior».
Nieadnaznačnyja rašeńni sudździaŭ vyklikali šał u hulcoŭ «Dynama», kiraŭnictva kłuba i ich zaŭziataraŭ, što vyliłasia ŭ pakarańni z boku fiederacyi futbołu. Tak, bieraściejcy musiać zapłacić amal 18 tysiač rubloŭ štrafaŭ, a Siarhiej Kiślak jašče i dyskvalifikavany na 5 matčaŭ.
U Breście heta ŭspryniali jak abjaŭleńnie vajny ich kłubu: zaŭziatary rychtujuć anłajn-pietycyi za źmienu kiraŭnictva fiederacyi, a top-mieniedžary «Dynama» kažuć pra ckavańnie, cisk i zmovu suprać kłuba.
Uvohule, takija vykazvańni nie ŭpryhožvajuć bieź piaci chvilin čempijonaŭ krainy: ich kamanda ŭsio dakazała na poli, navošta ŭciahvacca ŭ nikomu nie patrebnyja razborki? Tym bolš usie, chto bolš-mienš sačyŭ za čempijanatam, viedajuć, što arbitry pamylalisia i ŭ bok «Dynama», tamu słuchać pra zmovy prosta śmiešna.
Matč u Breście mieŭ nastupstvy taksama i dla «Šachciora» — heta byŭ apošni matč trenierskaha štaba Siarhieja Tašujeva. Na hetym tydni z rasijaninam byŭ razarvany kantrakt. Čempijonstva Salihorsku bolš nie śviecić, i, zdajecca, srebranyja miedali im taksama nie patrebnyja, raz možna zajmacca kadravymi pytańniami jašče da zakančeńnia pieršynstva.
Što datyčycca BATE, to jany vychodzili na hulniu z «Isłačču», viedajučy, što Brest zhubiŭ bały. I da peŭnaha momantu ŭsio było dobra: niahledziačy na pieršy hoł haściej, barysaŭcy zdoleli zrabić lik 2:1. Ale potym usio złamałasia, i hledačy byli vymušanyja hladzieć, jak «Isłač» pakidaje BATE biez čempijonstva.
Hoł Mamo Jansane. Fota: FK «Isłač».
Davajcie narešcie pahladzim, što nas čakaje na doŭhich vychadnych.
«Dynama-Minsk» — «Dniapro»
- 08.11, 18:00. Minsk, stadyjon «Dynama».
- Kaeficyjenty: «Dynama» (pieramoha) — 1.94; ničyja — 3.35; «Dniapro» (pieramoha) — 3.90.
- Matč pieršaha kruha — 2:0
Minskaje «Dynama» pravalvaje kaniec čempijanatu i spakojna moža zvalicca z čaćviortaha radka — u apošnim tury padnačalenyja Hurenki byli razhromlenyja ŭ Žodzinie ź likam 0:4. Kamanda nie vyjhraje voś užo šeść matčaŭ, a napieradzie minčukoŭ čakajuć matčy suprać BATE i bresckaha «Dynama».
Ale da sustreč z topami našaha futbołu treba jašče zhulać z «Dniaprom», jaki za tyja ž šeść apošnich turaŭ prajhraŭ usiaho adnojčy i amal harantavana nie vylecić naŭprost. Mahiloŭcy buduć zmahacca za toje, kab nie patrapić u stykavyja matčy, tamu možam dapuścić praciah žudasnaj sieryi «Dynama».
Prahnoz «NN»: «Dniapro» nie prajhraje.
«Słuck» — «Haradzieja»
Sustrečy hetych kamand pryniata nazyvać «cukrovym derbi», ale, zdajecca, z časoŭ zarub u pieršaj lizie za prava prabicca ŭ vyšejšy śviet, hradus baraćby pamiž kamandami sa Słucka i Haradziei surjozna paniziŭsia.
Ale ŭ subotu jość šaniec na toje, što my pabačym emacyjny futboł, bo pośpiechi «Haradziei» i niaŭdačy «Słucka» adkryli pierad kamandami niebyvałyja pierśpiektyvy. Tak, haradziejcy akazalisia za čatyry bały adstavańnia ad čaćviortaha miesca, a ŭ słuččakoŭ zastaŭsia tolki adzin bał pieravahi pierad 14-m «stykavym» radkom.
Prahnoz «NN»: Što cikava, «Haradzieja» nikoli (z časoŭ abłasnoha pieršynstva) nie pieramahała ŭ Słucku. Ale mienavita «bieła-zialonyja» vyjhrali dva apošnija «cukrovyja derbi». Tamu pasprabujem pastavić na histaryčnuju padzieju — «Haradzieja» pieramoža.
«Šachcior» — «Słavija»
«Słavija» ŭ paniadziełak zdoleła doma adyhracca ź liku 0:2 u matčy z «Homielem» i vyrvać pieršuju za doŭhi čas pieramohu. Praz ščylnaść u siaredzinie tablicy mazyrčuki jašče mohuć papravić svajo turnirnaje stanovišča i akazacca navat na vośmym radku.
Abaronca «Słavii» Juryj Niedaškoŭski robić salta, śviatkujučy hoł u bramu «Homiela». Fota: FK «Słavija-Mazyr».
U «Šachciora» chutka znajšoŭsia novy trenier. Rasijanina Tašujeva pamianiaŭ ukrainiec Viarnidub, viadomy pa pracy z łuhanskaj «Zaroj». Cikava budzie panazirać za im u nastupnym siezonie, hałoŭnaje, kab kiraŭnictva nie pieraškadžała. A sioleta salihorcy mohuć jašče ŭziać «srebra».
Prahnoz «NN»: «Šachcior» pieramoža.
«Homiel» — «Minsk»
«Homiel» znachodzicca ŭ amal patavym stanoviščy: za try hulni da kanca adstavańnie ad «stykavoha» 14-ha miesca składaje šeść bałaŭ. Da 13-ha, jakoje dazvolić harantavana nie vylecieć, — na adzin bał bolš.
U «Minska» ž matyvacyja minimalnaja — chiba što padniacca ŭ siaredzinie tablicy pavyšej. U minułym tury padnačalenyja Andreja Razina abhulali «Słuck» i zmahli padniacca na dziaviaty radok.
Prahnoz «NN»: Kali na viaršyni intryha ŭžo amal pamierła, to budziem stavić na haračyniu na dnie. Sprahnazujem pieramohu «Homiela».
«Enierhietyk-BDU» — «Tarpieda-BiełAZ»
- 10.11, 13:30. Minsk, RCAR-BDU.
- Kaeficyjenty: «Enierhietyk» (pieramoha) — 3.15; ničyja — 3.72; «Tarpieda» (pieramoha) — 2.07.
- Matč pieršaha kruha — 3:3
Jość padstava čakać haračaj hulni, bo kamandy vyrašajuć svaje łakalnyja zadačy.
«Studenty» jašče nie zabiaśpiečyli siabie pucioŭkaj u nastupny siezon vyšejšaj lihi, a «aŭtazavodcy» praciahvajuć nabližacca da minskaha «Dynama».
Prahnoz «NN»: Totał, bolšy za 2.5.
«Isłač» — «Dynama-Brest»
- 10.11, 15:30. Stadyjon FK «Minsk».
- Kaeficyjenty: «Isłač» (pieramoha) — 4.45; ničyja — 3.78; «Dynama» (pieramoha) — 1.727.
- Matč pieršaha kruha — 1:5
«Kamvolščyk» moža stać «załatym» stadyjonam dla bieraściejcaŭ: da dvuch nabytych tam supierkubkaŭ užo ŭ niadzielu moža dadacca i zvańnie čempijonaŭ Biełarusi.
Bieraściejcy, chutčej za ŭsio, dapamohuć «Isłačy» sabrać pieršy ŭ svajoj historyi anšłah. Jasna, što ŭsie buduć nazirać za «Dynama», ale, mahčyma, chtości stanie zaŭziataram «vaŭkoŭ».
Prahnoz «NN»: «Dynama» — čempijon.
«Viciebsk» — BATE
- 10.11, 17:30. CSK FK «Viciebsk».
- Kaeficyjenty: «Viciebsk» (pieramoha) — 6.05; ničyja — 4.05; BATE (pieramoha) — 1.52.
- Matč pieršaha kruha — 0:3
Pa niepaćvierdžanaj infarmacyi, paśla hulni z «Isłačču» koŭč barysaŭcaŭ Alaksiej Baha padavaŭ u adstaŭku, ale ŭ vyniku jon dapracuje da kanca siezonu.
Raniej BATE słaviłasia svajoj «siamiejnaj» pierajemnaściu, kali za hałoŭnym trenieram vyrastaŭ mocny pamočnik, jaki paśla stanaviŭsia na čale kamandy. Ale ŭ štabie Bahi takoj kandydatury niama, tamu ciapier Kapski-małodšy budzie šukać novaha treniera.
Što datyčycca hulni ŭ Viciebsku, to vialikaja imaviernaść, što barysaŭcy vyjduć na pole ŭžo straciŭšy šancy na čempijonstva, što moža mocna ŭdaryć pa nastroi kamandy. Ale niama mahčymaści apuskać ruki, bo na piaty nastupaje «Šachcior». A bronza dla BATE budzie prosta hrandyjoznym pravałam.
Prahnoz «NN»: Totał, mienšy za 2.5
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Niomanu».
TURNIRNAJA TABLICA
Dzialiciesia prahnozami ŭ kamientarach i abaviazkova znajdzicie mahčymać schadzić na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!