Zialenski: Chaču razmaŭlać pa-ŭkrainsku lepš
Prezident Ukrainy Uładzimir Zialenski ŭ roliku, apublikavanym na YouTube-kanale jaho kamandy 7 listapada, zajaviŭ, što choča palepšyć svoj uzrovień ukrainskaj movy.
«Uzrovień ukrainskaj movy, pa maim asabistym mierkavańni, raście. Ale ja viedaju, što jość pamyłki z naciskami i ź niekatorymi słovami. Chaču razmaŭlać lepš. Moža, i nielha viedać movu na 100%, ale ja sprabuju. Viedajecie, praktyka. Bolš razmaŭlać. Lepš — z razumnymi ludźmi. Ja mieŭ znosiny z čałaviekam na ruskaj movie i časam zabyvaŭ słovy… Kažu hetamu čałavieku: «A jak heta pa-rusku?» Nazyvajuć ukrainskaje słova — i jon pierakładaje. Heta značyć časam užo i takija jość prykłady», — skazaŭ prezident Ukrainy.