U Maskvie zabaranili śpiektakl pa matyvach apovieści pra Čypalinu
Śpiektakl pavodle apovieści Džani Radary «Pryhody Čypaliny» Centra teatralnaha mastactva Alaksandra Tatary pry Maskoŭskim Lianazaŭskim teatry zabaranili da pakazu na maskoŭskim fiestyvali, paviedamlaje «Dožd́».
Śpiektakl byŭ adabrany ŭ prahramu XVI Mižnarodnaha teatralnaha fiestyvalu amatarskich teatraŭ. U im ihrajuć padletki, pakaz pavinien byŭ adbycca 9 listapada.
Napiaredadni dyrektar centra kultury Anžalika Piatrova zabaraniła pakaz.
Matyvy ahučany nastupnyja: «Takoje nielha pakazvać na scenie dziaržaŭnaj ustanovy, u nas supracoŭniki, siemji, ipateki». Jana nie moža ryzykavać, «vy sami pavinny razumieć», jana prosić prabačeńnia. Bolš za toje, jana pakaraje ŭsich supracoŭnikaŭ, chto adabraŭ hety śpiektakl na fiestyval, choć zaprašeńnie padpisana joju asabista.
Žanr śpiektakla — satyryčny pamflet.